بسم الله الرحمن الرحيم ...
اما بعد ..
هذي القصه ياشباب ويابنات حقيقيه ورومنسيه جدا وفيها بعض الحزن
ولو أنها طويله بس تستاهل
>>>خاصه للمحبين<<<
اسماء الموجودين اللي هم ابطال القصه هم
وليد الحربي
و ندى الحربي
وأخت ندى
و بدور الشايع
و نواف الخالدي
ومشاعل الشعلان
وبعض صديقات مشاعل
طبعا وليد و ندى هم العاشقين
وأسباب هذي القصه
لكم القصه من بدايتها مع البنت (ندى) أشلون وصلتلها،
--------------------
بدايه :
كنت أحب بنت اللي هي مشاعل الشعلان وكنا حنا بثالث ثانوي وكنا كأي بنت و ولد يحبون بعض المهم كنت احب البنت هذي وأكذب عليكم أني أذا قلتلكم ماكنت متعلق فيها المهم فجاءه بعد فتره تركتني كذا من الله وأنا ما ادري وش اللي خلاها تتركني طبعا أنتم تبون تقولون يمكن اهلها؟ أو شي زي كذا وانا اقولكم لا مو أهلها لأن الوضع عندها فري يعني عادي المهم صبرت عليها لأن ماعندي اللي يوصلني لها مرت الأيام
وجاني رقم بنت اللي هي بدور الشايع ماأدري عنها اي شي الا شيين اللي هم أنها بنفس المنطقه بالشرقيه واسمها بدور دقيت عليها قبل رمضان السنه الماضيه 1427 هجري بكم يوم
قالت : الو
قلت : الو
قفلت بوجهي
دقيت بعد ربع ساعه
قالت: نعم
قلت: ألو سلام
قالت: وعليكم نعم شتبي
عاد أنا هينا ما أدري شقولها بشنو أبدأ ماأدري فا
قلت : انا صراحه أبي منك خدمة وأكون شاكر لك وممنون وأنا وربي لو فيه غيرك ماكان حطيت نفسي بموقف محرج معك الحين
قالت : خير انشاالله شنو تبي؟
قلت : ما أدري اشلون ابدأ معك فا قلت بقلبي خلني أنا اسألها عشان أتأكد من الكلام اللي وصلني انها بالمنطقه نفسها
سألتها انتي بالمنطقة الفلانيه؟ قالت : اي
قلت : حلو بعدين سألتها الحين أنتي بثانوية الثالثه
قالت : إي بستغراب
بعدين قلت : أنتي بصف ثالث قالت : اي بستغراب أكثر
وقالت: لحظه لحظه أنت تعرفني !؟؟
قلت : لا بس الموضوع كله هو بثانويتك وبصفك يعني لو قلتي لا ماني بالمدرسه الفلانيه ولا بصف ثالث ابقولك مشكوره على وقتك معي واقفل لأني عندي شغله معينه وبس
قالت : طيب شنو المطلوب؟
قلت : يعني بتساعديني
قالت : أذا قدرت >>البنت يعني
تفاعلت معي وبعد لأنها هي ملقوفه تحب السوالف هذي لأن السالفه متعلقه بمدرستها
قلت : في بنت عندكم اسمها مشاعل الشعلان بصفك
قالت : أف!!
>> شكل السالفه عجبتها << إيه أعرفها ليش؟
قلت: شوفي ابي اقولك شي بس لايطلع لأي بنت بالثانويه
معك أمانه
قالت: ابشر
قلت : الخدمه اللي أبيها أنك تروحين للبنت وتقوليلها أن في واحد اسمه وليد الحربي اللي هو أنا يبيك وأنتي تخليتي عنه
قالت : احم بس بيني وبينها مشاكل
قلت : معليش بدور وربي ماعندي غيرك مو معقوله ابدق على كل بنت بالثانويه وبكذا افضحها ومالها داعي فا ابيها منك أنت دبريني
قالت خلاص أحاول
مر ثاني يوم ماجابت سيره لمشاعل وبعدين دقيت عليها باليوم الثاني المغرب وردت
قالت : وليد أنا ماقلتلها لأنها غايبه
قلت : أها أوكي بكره
قالت :خلاص
جاء اليوم الثالث
دقت بدور علي بالليل ورديت
قلت : بشري بدور شصار ؟
قالت: وليد البنت تقول ماتعرفك
قلت :ماتعرفني ؟!
قالت : إي
قلت : قوليلها يقولك وليد أذا انتي ماتعرفينه اشلون أخذ صورتك وسوالفك معه
قالت : صور!!؟
قلت :إي صور لها عندي مو جوال صوره عاديه
قالت : خلاص
عاد كان بكرا رمضان
وكانت بدور غايبه ثلاث أيام
جاء اليوم الرابع وراحت وجت عند مشاعل طبعا مشاعل كانت مع صديقاتها
قالت بدور : مشاعل ممكن دقيقه ابيك بموضوع
قالت مشاعل : اوكي عن اذنكم بنات
البنات : أذنك معك
قالت بدور : مشاعل ترا وليد يبيك ومتعلق فيك ويقول اذا أنتي ماتعرفينه أشلون جت صورتك عنده ؟
قالت : ها صوره لا لا كذاب
وبدور حست ان مشاعل مرتبكه
فا قالت بدور: خلاص خلاص بعدين نكمل كلامنا لأن الحصه دقت
قالت مشاعل : اوكي تبي الفكه طبعا ماخافت من الصور لأنها عارفه ماعندي سواليف أني راح أوزعها وهي عارفه الشي هذا من أول ..
وبعدين راحت مشاعل عند بنت اسمها ندى الحربي قالتلها
ندى تعرفين واحد اسمه وليد الحربي؟
قالت ندى: لا
قالت مشاعل : احلفي
عاد ندى من النوع الجديه كثير في الأمور هذي
قالت ندى : مشاعل وربي ما أعرفه
قالت مشاعل : لابس توقعتك تعرفينه لأنه حربي
ندى : مشاعل شنو سالفة وليد هذا؟
قالت مدري عنه بدور الشايع جتني وتقولي كيت وكيت فا يا ندى تكفين فكيني منه .
عاد ندى يوم قالتلها مشاعل تكفين ذبحتها النخوه لأن نظامها بدوي على حضري و (دلع)
راحت ندى عند بدور قالتلها شسالفه بين وليد ومشاعل
طبعا سالفة وليد ومشاعل انتشرت بالمدرسه
المهم قالتلها ندى ترا السالفه
كذا وكذا .... إلخ
قالت ندى اها وسكتت عاد ندى ومشت
ومرت الأيام طبعا بدور تجيبلي الأخبار اول بأول
قلت أنا لبدور وأنا أمزح أني ابي أتعرف على بنت عن طريقها وهي ماصدقت خبر
في اليوم الثاني كلمت ندى اللي هي سبب قصتي هذي وهي أغلى وأعز و احب شخص عندي وانتم بتعرفون بعدين .. المهم
وقالت ندى : أوكي أكلمه ماعندي مشكله
جاء المغرب ودقت بدور علي و قالت :خلاص ابعطيك رقم البنت عاد انا ماصدقت
قلت :من صدقك بدور
قالت : وربي
عاد انا انحرجت من جد من البنت قلت خلني اكلمها وش خسران دقيت تقريبا الساعه تسع
وطبعا عندها خبر اني ابدق عليها
قلت : الو
قالت : الو
قلت انا في خاطري لازم اخلي السالفه فيها ضحك
قلتلها : الو امي عندكم ؟
طبعا هي انصدمت من السؤال
وبعدين فهمت أني استهبل
قالت: لا بالطريق
قلت : حلو حلو خلاص أذا وصلت دقي علي
قالت : خلاص
قعدت انتظرها تقريبا نص ساعه ودقيت
قلت: ها وصلت الوالده؟
قالت : إي
انا هنا فهمت أن الحين نقدر ناخذ ونعطي
فا قلت : طبعا تعرفيني صح ؟
قالت : اي ماقصرت بدور
قلت أنا بخاطري اشوى خففت علي بدور
وبعدها سوالف وضحك وجابت عاد سيرة مشاعل بطريقه غير مباشره وقالت: وليد أنت تحب ؟
عاد انا قلت ؟ بصراحه أي ويمكن بدور قالتك سالفتي مع مشاعل
قالت : إي إي صح بس وليد البنت ماتبيك وكانت مشاعل تقول ماتبيك وكانت متأكده من الكلمه اللي قالتها
عاد أنا قلت لها : ندى مافي شي اسهل من الخيانه
عاد المهم سكرنا التليفون وجلسنا تقريبا اسبوع أو اسبوعين تقريبا نكلم بعض بالضبط وأنقطعنا عن بعض فتره طويله شوي تقريبا أربع شهور والسبب هو اني كنت أدق عليها بين فتره وفتره كان جوالها شغال بعدين طفا مده اللي هي أربع شهور بغض النظر عن بدور لأن بدور تكلمني بين فتره وفتره
ومرة الأيام وفكرت أن الحب اللي حبيت فيه مشاعل مو حب طلع حب كاذب يعني فتره وانا متحسف اني ضيعت وقتي معاها ولاقدرت حبي لها الله يقـــ... المهم ماحبيت افرض نفسي عليها وقلت انا خلاص الله يستر عليها مع ان اللي قاهرني انها تكلم غيري بعد ماطلعت من الثانوية
ماعلينا تركت مشاعل خلاااص نهائيا.
واقولكم بعد فتره قامت بدور تشوف نفسها علي مع اني خدمتها مثل ماخدمتني
خدمتي لها كانت عشان في كم رقم أزعجوها قلت : أوكي
عطيني اياهم وأدق على الأرقام ودخلت في مشاكل بسبتها لدرجة انهم يعرفون اسمها الكامل وهي لها سوابق معاها وهم من القصيم (عنيزه)
وطبعا بدور بعد بعنيزه اصلها يعني كل عطله يروحون هناك
فا قلت مدام هي اللي بدت المشاكل لازم أردلها لأنها تسوي نفسها ماتكلم شباب وياما تحت السواهي دواهي
المهم قلت لواحد من أخوياي (صديقي) اللي هو نواف الخالدي طبعا هو مخلص دراسه وماعنده شغل قلتله السالفه كلها
لأني كنت مشغول بدراستي حيل تعرفون آخر سنه ولازم أشد حيلي
المهم الأخ بالله أخذ رقمها من عندي ودق عليها على اساس انه هو ولد عمي يعني نواف الحربي وقالها كان وليد ماخذ جوالي ومركب الشريحه حقته
ولقيت رقمك موجود بالسجل جلست بدور تسب أنت حثاله عاد نواف قال : أذا انا حثاله فأنتي **اله وأنت يالقاري بكرامه وجلسو يسبون مع بعض بعدين نواف دخل بأسلوب أنه غبي مايفهم سبها
وقامت تضحك يعني شبكت البنت الا شوي بعد ماجننت نواف وهو يحاول يظبطها المهم
وبعدين رسايل وشغل عدل.
جلسو فتره مع بعض ونواف قايل لبدور لاتعلمين وليد أني اكلمك لأنه بيزعل علي وأنا ما أرضى على زعله
قالت بدور : انشاالله
المهم انا عارف الموضوع بس ساكت
وتجي اللحظه الحاسمه اللي نواف خلاها تجيني وانا مدري نواف سوي حركه
والحركه هي أن نواف حبيب قلبي دخل مع بدور بعد فتره من تعارفهم جو مثل ماتقولون جو أحم أحم كأي حبيب وحبيبه وسجل صوتها بالتليفون وخلاه عنده فتره بعدين صارت مشكله بينه وبينها قويه وبعدين قالها اسمعي صوتك ياحلوه وسمعتها وانجنت ماتوقعت
بعدين شوفوا ياناس ان حبل الكذب قصير يوم كنت اسألها تكلمين أحد ؟
تقول: لاوليد مو انا اللي اكلم انا صحيح بس اكلمك وأنت عارف ليه أكلمك يعني شغلت تبادل مصالح
المهم دقت علي واستغربت من أتصالها كان الساعه وحده بالليل وجلست تسلم ومن السوالف هذي ودخلت بالموضوع لأن عند البنت جرأه